للــه درك يــوم هــديــت حــيــلــي . . ! !

لله درك يوم هديت حيلي
تضحك وأنا طاويني الهم والضيق
مدري من أيام الصبا وش بقيلي
شيبت بي ياسيد كل المخاليق
طيفك ملازمني بصبحي وليلي
على خيالك ترقد العين وتفيق
دشيت في بحر الغرام الطويلي
ولا وعيت إلا وأنا يابس الريق
وحيد بالدنيا وجسمي هزيلي
من داعي الفرقا بدعت الطواريق
ياليت لو إن الزمن يستويلي
واجلس معك من دون موعد وتنسيق
واعلمك عن حالتي ياعميلي
واكشف لك اللي ماكنن بالصناديق
شفني من اللوعات يومي شليلي
والدمع غرُق ناظر العين تغريق
حبك سكن قلبي وطاب المقيلي
حبك شربته من هكا العام ببريق
يوم أنت لا ضاقت عليك تعنيلي
واخذك في ضحك(ن) يتل المعاليق
عطيتني لكن وربي قليلي
أبيك تعطيني عهود ومواثيق
تبقى قريب / وكل وقت(ن) تجيلي
ونعيش دور أهل الهوى والعشاشيق
مادام أنا وياك خل وخليلي
خل انتفاوض / من على قمة طويق
إما تجيني مثل شمس الأصيلي
تسقي عروق القلب من صافي الريق
ولا ترى الحل الوحيد [الرحيلي]
اببتعد / والله عليه التوافيق

دشيت في بحر الغرام الطويلي
ولا وعيت إلا وأنا يابس الريق
وحيد بالدنيا وجسمي هزيلي
من داعي الفرقا بدعت الطواريق

جميل ما سطره قلمك من كلمات رائعه وجميله وتفوق معنى الجمال ..

دمتي متميزة ودام قلمك مبدعآ ..

تقبلي مروري ..

يسلمو